مرحبـا بـك!

مرحباً بكم في منتدى ألمانيا

Login with Facebook

التصنيفات

في هذه المشاركة

ماهي خطوات الحصول ع تاشيرة المانيا من مصر
  • السلام عليكم
    ممكن اعرف شروط وخطوات الحصول علي تاشيرة المانيا من مصر من البدايه حتي النهايه
  • اولا لازم تجهز الورق المطلوب من
    1- استماره التاشيره بتملها من موقع السفاره وبتطبعها وتاخدها معاك
    2- صورتين بخلفيه بيضا وودانك بينين فيها هو المصوارتى عارفها
    3- جواب من البنك برصيدك فيه
    4- جواب من جهه عملك موجهه للسفاره بيقول انت بتشتغل ايه ومن امتى ومرتب كام
    5- لو اول مره بتجيب شهاده تحركات من مجمع التحرير باللغه الانجليزيه
    6- خطاب يفيد انت ليه رايح المانيا ( دعوه من حد المانى- او شركه المانيه لو رايح تدريب او اجتماع- خطاب من جامعه او معهد هناك لو رايح تدرس )
    7- الباسبور
    8- جواب تأمين بالمده اللى هتاخد فيها التأشيره وده بيطلع من شركات السياحه ( لو عايز تعرف عنوان وتليفون شركه ممكن ابعتلك الشركه اللى بتعامل معاها )

    بتحجز ميعاد للسفاره عن طريق فودافون ولازم تروح في ميعادك بالظبط
    بتروح السفاره بيراجعوا ورقك قبل ما تدخل ولو سليم بتدخل تعمل مقابله بيسؤالك عن سبب الزياره ولو مافيش مشكله بتدفع ما يعادل خمسين يورو بالمصرى وبتبصم ايدك الاتنين على جهاز ماسح ضوئى لتسجيل بصماتك

    التاشيره بتطلع بعد اسبوعين
    ما ينفعش تاخد التاشيره الا قبل ميعاد السفر ب 3 شهور لو ميعاد السفر اكتر من 3 شهور بيرفضوا ( انا كنت مسافر فى شهر 9 حاولت اقدم الورق فى شهر 5 رفضوا )
  • شكرا ليك ياكبير
    بس سؤال تاني نسبة القبول والرفض قد ايه ؟ لان قدمت قبل كدا علي تاشيره لامريكا وخدت رفض لان نسبة القبول ضئيله جدا لتاشيرة السياحه لامريكا ياتري المانيا نفس النظام ولا
  • لو كل الورق المطلوب موجود وجواب سبب الزياره سليم وعندك شغل فى مصر بتبقى نسبه كبيره موافقه
  • elmotamared2015@gmail.com ممكن نتواصل عالبريد ؟