مرحبـا بـك!

مرحباً بكم في منتدى ألمانيا

Login with Facebook

التصنيفات

في هذه المشاركة

تجربة الصديق Anas في امتحان السنه التحضيري في برلين



  • #‏فحص_السنة_التحضيرية_برلين_التقنية‬ ..


    image

    ==> تجربتي مع فحص السنة التحضيرية Aufnahmeprüfung في جامعة برلين التقنية Berlin Technische Universität :


    1- الفحص ماعليه رسوم والتقديم من خلال يوني أسست ...

    2- المستوى المطلوب للتقديم وللفحص B2.


    طبعاً كالعادة لح حط أول شي بهاد البوست كل النقاط الضرورية بهل خصوص وترتيب الفحص كيف كان ..

    الفحص فينا نقول عنو انو كمان فحص مو قليل مع انو قصير كتير ولا يتجاوز الساعتين , وطبعاً كمان هي الجامعة من الجامعات يلي مجهزة لذوي الاحتياجات الخاصة بشكل كامل ...


    ملاحظات على الهامش , الجامعة ضخمة جداً والأبنية يلي فيها جداً متعددة وغلاظتها انو بعاد عن بعض , يعني لحتى لقينا البناء المخصص تبعنا ضلينا نص ساعة , ولحتى لقينا القاعة يلي بدي ساوي الفحص فيها ضلينا شي 20 دقيقة ... فحسبو حساب وقت تروحو انو يكون معكون وقت لحتى ماتوصلو متأخرين او يصير معكون مشكلة ....

    طبعاً بالقاعة تبعنا كنا عم ننفحص قريب ال 150 - 200 طالب , ولسا في قاعة تانية بالشارع المقابل عم ينفحصو فيها كمان نفس العدد تقريباً , نسبياً الطلاب مو كتار بس المنافسة مع هيك قوية جداً ,




    => => ( ( بالنسبة للترتيب والاسئلة كان كالتالي ) ) :


    1- القسم الاول كان ألماني :

    عطونا 3 اوراق , ورقتين ألماني (فراغاتً , واختيار من متعدد) وورقة للسماعي , وعطونا لأول وررقتين نص ساعة , وبس خلصنا ضلت معنا الاوراق وعطونا بعدها 5 دقايق لحتى نقرأ النص تبع السماعي

    ونفهم الموضوع نوعاً ما عن شوي بيحكي , بعدها قرأو علينا النص مرة ,


    وبعدها عطونا 5 دقايق وبعدين قرأو النص تاني مرة وبعدين عطونا 15 دقيقة لحتى نشتغل عل سماعي ونراجع اذا بدنا الورقتين الأولانيات ونشوف اذا في شي ممكن نصلحو ...



    - استراحة 15 دقيقة ...


    2- القسم التاني كان رياضيات ومدتو 60 دقيقة :


    اسئلة قوية بس قابلة للحل (اذا الواحد دارس ومستوعب المنهاج تبع برلين بيقدر يحل اغلب الاسئلة , اذا مو دارس مارح يقدر يحّل ويخلص بالوقت المناسب ...

    العدد 18 سؤال وكل سؤال متفرع لل 3 - 6 اسئلة وطبعاً كل سؤال مكتوب جنبو شو علاماتو , نسبياً في اسئلة بتنحل بس بدها الواحد يطول بالو عليها فلأفضل يتركها لأخر شي مشان يلحق يحّل البقايا ,

    وطبعاً الاسئلة شملت كلشي من الكسور للاشتقاقات والتكامل والتوابع والهندسة , يعني تقريباً متل النموذج يلي عل موقع ومتل جامعة بوخوم نوعاً ما , بس اصعب شوي كمنهاج ...



    => => ملاحظة أخيرة :

    الفحص بدو مستوى ألماني B2 ... والمستوى برياضيات والألماني صعب ومو سهل فديرو بالكون ... موفقين جميعاً ودعولنا

    4123433.jpg
    304 x 304 - 7K
  • شفت تجربة هاد الشب عالنت وحبيت شاركن فيها اصدقائي ... قرائة تجارب الأخرين هي من اهم الاسباب للنجاح في المانيا
  • @rolaa

    سعيده بالعمل يد بيد لخدمة الجميع هنا
  • تجارب الآصدقاء هي من افضل المواضيع المساعده للطلاب والباحثين عن العمل في المانيا ...
  • اتشكرك @rolaa نيابتا عن الجميع ^ـ^