مرحبـا بـك!

مرحباً بكم في منتدى ألمانيا

Login with Facebook

التصنيفات

تجربة صديقي @Basil arar في آخذ الفيزا السياحية من بيروت
  • تجربتي الشخصية للحصول على الفيزا والحمد لله تم قبولي بعد 43 يوم من المقابلة


    image



    أولاً: الأوراق المطلوبة:

    - قبول جامعي.
    - تسجيل معهد لغة.
    - ورقة حساب البنك.
    - شهادة البكالوريا.
    - كشف علامات.
    - حياة جامعية.
    - ورقة اللقاح ضد شلل الأطفال.
    - اخراج قيد مدني.
    - السيرة الذاتية.
    - رسالة الدوافع.
    - استمارة السفارة.


    ثانياً المقابلة:
    كانت المقابلة بـ 10/2 انا طلعت بـ 9/2 كانت الحدود كتير عجعقة وكان معي حجز فندق ليلة وحدة ببيروت طبعاً شافو ورقة الحجز واتأكدو من الفندق لذلك اللي عندو موعد ما يخاطر بحجز وهمي لأنو ما عم يسمحولو يدخل للبنان .. دخلت الحدود الساعة 8 المسا ونمت بالفندق ..

    تاني يوم طلعت من الفندق الساعة 9ونص وصلت 10 وربع كان الطريق فاضي للسفارة اذا عجقة ممكن ياخد ساعة ونص...

    المهم كان موعدي عال 12:30انتظرت برا لبين ما نادو اسمي بعدين فتت لجوا حوالي الساعة 4 بعد ما فتشوني واخدو الموبايل دخلت على غرفة الانتظار عطاني الموظف الورقة تبع الارهاب عبيتها ورتبت وراقي نسختين ابيض واسود من كل ورقة وقطعت دور ..

    فتت عالمقابلة بعد شي نص ساعة أول شي شاف الموظف وراقي وخبرني انو كاملين وبعدين سالني كيف اخدت الموعد وسالني مين ساعدك بوراقك وسالني عن دراستي بالجامعة وكم سنة مخلص وكمان وين بدي اسكن وشو اسم الشخص اللي بدي اقعد عندو وبعدين بصمت وقلي انو واراقك كاملين بس اذا بدنا منك وراق زيادة منخبرك وبتبعتون عالايميل تبع السفارة


    وبعدين طلب مني 102 ألف لبناني وعطاني وصل فيو رقم الملف.. المقابلة كانت سريعة وما سألني كتير اسئلة وكنت مرتاح فيها بشكل عام .


    بعد حوالي 40 يوم من المقابلة اتصلت بالسفارة رديت موظفة المانية قلتلا انو بدي اعرف شو صار بالملف تبعي اخدت رقم الملف وقالتلي انو الملف انبعت بـ 25/3 عألمانيا ولسا ما في رد .

    وبعد 3 ايام اتصلو فيني من السفارة وقالتلتي الموظفة انو طلعتلك الفيزا وأنو جيب تأمين صحي من لبنان أو ألمانيا وتفضل استلم الفيزا.

    ملاحظة: مشان استلام الفيزا ممكن الشخص يستلم بشكل شخصي او يبعت جواز السفر مع اي حدا يستلمها عنو .

    انشالله تكون وصلت الصورة وحدا يستفيد من هالحكي متل ما استفدت من كتار كتبو بهالمجموعة

    واذا حدا بدو يسال عن شي يتفضل وانا رح جاوب على قد ما بعرف

    وبالتوفيق للجميع ...


    08987.jpg
    384 x 960 - 45K