مرحبـا بـك!

مرحباً بكم في منتدى ألمانيا

Login with Facebook

التصنيفات

في هذه المشاركة

تجربة الصديق : آنس في دراسته ‫"منهاج التحضيري في جامعة برلين_التقنية ( فصل اول ) "
  • ‫#‏نظرة_عامة_على_منهاج_التحضيري_في_برلين_التقنية_مقدمة_فصل_أول‬


    image


    بهاد البوست لح احكي فيه عن يلي شفتو بالسنة التحضيرية خلال ال 3 اسابيع الماضية , بس قبل مابلش حابب اعمل تنويه صغير انو الفوتة عل سنة التحضيرية من فحص قبول وتحضيرات وهل قصص , شرحت عنها ببوستات كتير كتيرة بشكل واضح وكامل ومابدها غير انكون تدورو عليها وبيكفي تحطو أسمي بالبحث لحتى تطلعلكون ,

    فلذلك مالح جاوب على اي سؤال بيخص الفحص تبع القبول واجراءاتو وهل قصص , وشغلة تانية انو السنة التحضيرية , بتأهلك 30% لأنك تتعلم الشغلات العلمية و 70% هية لغة بحتة لحتى تتعلم وتتعود على سماع محاضرة وفهمها وفهم مصطلحاتها , لذلك اغلب المواد يلي عم ندرسها او بدنا ندرسها اخدين قسم كتير كبير منها بالمدرسة والبكلوريا.


    - هلأ اول شي انا عم ادرس سنة تحضيرية T-Kurs بجامعة برلين التقنية ورسومها 300 يورو بالفصل إلا شوي , بتضم تكاليف المواصلات وبتضم رسوم الجامعة , والكورس تبعنا بيضم تقريباً 22 طالب مافي كتب للتحضيري
    واغلبو اوراق بتتوزع او معلومات انت بدك تجيبها من الانترنت لحتى تفهمها بلغتك وبعدين تشوف كيف بدك اتترجمها ,

    المواد والمواضيع تقريباً متشابهة 80% مع اغلب الجامعات بألمانيا , بس برلين التقنية تعتبر نوعاً ما من الجامعات يلي صعبة وبدها شغل منيح بس انو كمان مو خارق لحتى تجيب معدل , بس نوعاً ما اذا بدك تكمل ببرلين فئلك الاولوية , وبالنسبة للفحص النهائي فأنت عندك قدرة انك تساويه بأول فصل (اختياري) وهل شي بيتحدد حسب علاماتك بالفحوصات يلي على مدى الفصل الاول وهل انت جاهز لهل شي او لأ ,

    وهل شي بيحددوه الدكاتره بعد ماتقدم طلب على هل شي , اذا علاماتك ماكتير قوية فمالح تقدر تقدمو , وطبعاً انت ممكن ترفع مواد وتخليه مواد , ويلي بترفعو بال FSP خلص ماعد في داعي تدرسو بالفصل التاني , واذا رفعت كلشي مواد فساعتها خلص انت خلصت من التحضيري بشكل كامل وبوشك عل بكالوريوس فصل أول ... والمواد يلي لازم تنفحص فيهون هنن بس 3 ,

    الاختياري (كيميا أو فيزيا) + رياضيات + ألماني بس المواد يلي لازم تحضرها موزعة على 16 محاضرة بلاسبوع وكدوام بين 6 و 8 ساعات يومياً :




    - الرياضيات Analysis :
    ============

    اغلبها حكي نظري عن الاعداد الطبيعية والعددية والكسور والجذور وغيرها , بس فيها اكتر شي بيركز عل مصطلحات الرياضية وكيفية قراءة جمل رياضية معينة بالألماني.


    - الرياضيات Element :
    ============
    بتضم الاعداد العقدية ومحاور بيانية وتوابع على محاور ثنائية وثلاثية x,y,z , وبتضم مثلثات , بالاضافة للهندسة بس بشكل قليل كتير.


    - فيزيا Mechanik :
    ==========

    بتضم اكتر شي عمليات حسابية للأشعة والحركات الميكانيكية وحركة اجسام.


    - فيزيا Elektromechanik :
    ===============
    بتضم مواضيع عن الدارات الكهربائية بشكل عام مع دمج بالميكانيك احياناً.

    - كيميا :
    ====
    كيميا عضوية وكيميا عادية , اسماء المواد والمركبات باللغة الالمانية بلاضافة للرموز , اسماء التحويلات والعمليات يلي بتصير باللغة الالمانية ... لذلك قلت اول شي انو السنة التحضيرية هية عملياً عم تتعمق باللغة اكتر من المواد وكمثال على ذلك : حطلنا الدكتور بالمختبر مركب ماءات الصوديوم وقلنا انو هاد NaOH , المهم كلنا عرفناه وعرفنا معادلتو وهيك , بس اخر شي قلنا طيب هاد المركب شو اسمو بلالماني ؟؟

    , فكلنا ماحدا عرف فينا لأنو نحنا منعرفو بلغتنا الام ومو بلالماني , فالمهم المركب اسمو Natriumhydroxid , وقلنا مشان هيك لازم تعرفو الاسماء بلالماني لأنو بالفحص مابيجيك الرمز دائماً , بيجيك اسم المركب واذا ماعرفتو شو هو مالح تعرف تحل المسألة ... وطبعاً نفس الشي بينطبق على المواد التانية بشكل نسبي للغة.


    - ألماني 1 و 2 :
    =========
    (1) بتضم قواعد و قراءة , (2) بتضم ال Textproduktion والسماعي .. وطبعاً نحنا عم نشتغل عأساس ال DSH باعتبار فحصنا ويلي هو ال FSP هو DSH عملياً بس كنظام تاني بالتسميات.


    - المعلوماتية Informatik :
    ==============
    بتضم اكتر شي العمليات الحسابية بلغة 1001011 "Binary" وبتضم تعريف كامل عن ال Hardware وبعض الدارات الكهربائية وبتضم بالفصل التاني او بالمراحل المتقدمة لغات برمجة وأوفيس وطبعاً كلو باختصار شديد , يعني بس تجهيز للجامعة بشكل سطحي.


    طبعاً الحكي يلي ذكرتو فوق حسب جدول زمني معين عطونا ياه خلال ال 20 يوم وحسب تجميع كلشي معلومات قالولنا ياها ... اي حدا عندو سؤال بهل خصوص "بهل خصوص فقط لاغير" فأنا جاهز ,

    وموفقين جميعاً ‏‎smile‎‏ رمز تعبيري



    == == > ملاحظة أخيرة :

    عل خاص لاحدا يحاكيني لأنو مابرد , ولاحدا يبعتلي اضافات لأنو كمان مابضيف حدا مابعرفو ,

    احكو عليي يلي بدكون ياه وسبوني معلش مو زعلان ‏‎colonthree‎‏ رمز تعبيري يلي عم اعرفو ويلي عم ققدر عليه ماعم قصر فيه الحمد الله وعم حطو عل غروب أول بأول ...

    789.jpg
    400 x 300 - 101K
  • مشكورة عالجهود @mirna