مرحبـا بـك!

مرحباً بكم في منتدى ألمانيا

Login with Facebook

التصنيفات

في هذه المشاركة

الصديق @yamen يحكي قصة حياته والظروف التي حصلت له في المانيا
  • image




    بعد خمس سنوات ...
    حبيت فيدكن بتجربتي وخصوصا يلي جايين جديد على المانيا ومعلوماتهن لسا بسيطة بموضوع انك كيف ممكن فيوم من الايام تخطو خطوة جديدة بحياتك للامام اذا حابب تستقر بالمانيا لفترة طويلة..


    انا جيت من حوالي خمس سنين بفيزة طالب, بهديك الايام اجتني معلومة من احد اصدقائي انو فيني ادرس باللغة الانكليزية بالمانيا وتشجعت وقدمت على التوفل معدلي كان جيد بالجامعة ..بذكر بعدها اني راسلت كتير جامعات واحترت بين قبولين واحد من جامعة كارلسروهة بتخصص ماستر Photonics and Optics و التاني بـ Computational Engineering من جامعة روستوك ..

    احترت بيناتهن لان تخصصي بجامعة حلب هندسة الكترون واتصالات وانا عندي ميول لكل شي الو علاقة بهندسة الكومبيوتر وخاصة البرمجة وهندسة الشبكات ..اخترت بالاخير جامعة كارلسروهة لسمعتها و قوتها لكن كان التخصص فيها معقد شوي ومافيو مواد بالكومبيوتر كتير يعني تخصص كهربائي فيزيائي بحت وماحبيتو ابدا ولاتأقلمت معو..!


    تداركت الموضوع من الفصل الاول وانتقلت لجامعة روستوك كانت الامور ابسط بكتير من ماتخيلت والمواد مشت بسرعة وبعد سنة ونصف بدأت اطروحة الماستر بأحد مخابر البحث العلمي بالروبوتيكس والاتوميشن التابع لجامعة روستوك ..قبل بداية الاطروحة طلبت منهن فترة تدريب استمرت تلات اشهر كنت محتاجها لحتى اتعلم مبادىء البرمجة

    قرأت كتب فيها وشفت فيديوهات تعليمية على اليوتيوب وبعدها بدأت باطروحة الماستر وحمدالله تخرجنا بعلامات جيدة وطلبو مني وقتها انو استمر معهن بنفس المخبر بمجال البحث العلمي احترت كتير يومها لان ايضا كان عندي رغبة ابدأ بالحياة العملية بأحد الشركات الالمانية (يعني بكفي دراسة!) استمريت معهن لفترة سنة ونص بعد التخرج اخدت خبرة بمجال معالجة الصور Image Processing


    بدأت بمراسلة الشركات بذكر يومها رحت على مكتب agentur für arbeit عطوني موعد مشان التقى مع الموظفة وحكيتلها اني عم دور على شغل وسألتني عن مؤهلاتي وعملتلي بروفايل خاص فيني على موقعهن وقالتلي بتراسل الشركات عن طريقو وهنن ايضا رح يساعدوني بالموضوع .. النقطة المهمة بالموضوع انو الموظفة هيي يلي تنشىء البروفايل مو انا اعملو لحالي !

    لأن رح يتواصلو مع مكتب الاجانب ويوثقو اوراقي ومعلوماتي ويراجعوهن .. يعني الشركات لما بدها تشوف بروفايلك رح يتاكدو انو معتمد بواسطة مكتب الاجانب ومكتب العمل ..
    رجعت جهزت اوراقي وعملت السي في على موقع اليورو باس والمراسلة تصير اغلبها عن طريق هدا البروفايل وبتفوت على الجوب بورصة بموقعن
    https://jobboerse.arbeitsagentur.de/


    او في موقع تاني ممكن ايضا تراسل عن طريقو http://www.stepstone.de/ (بس مو عن طريق البروفايل)
    وبتبدأ تبعت طلبات هون وهنيك.. كنت ابعت حوالي 50 طلب باليوم ! كل شي الو علاقة بالعمل كـ Software developer كنت كسول شوي وبس غير معلومات بسيطة يلي هيي اسم الشركة وعنوان العمل يلي عم قدم عليه لان شفت التعديل برسالة التحفيز (motivation letter) بما يتناسب مع كل طلب صعب شوي وبياخد وقت كتير ..


    عملت عدة مقابلات هاتفية تعذبت شوي لان لغتي الالمانية وسط ومقابلة شخصية وحدة ببرلين (عن طريق موقع agentur für arbeit)ولحسن الحظ انو هالشركة مابتهمها اللغة الالمانية وكانت طالبة شخص يكون عندو خبرة بـ Image processing ولغتين برمجة ++C و ‪#‎C‬ يعني جاي على القالب تماما جهزت حالي منيح وعملت المقابلة شرحولي فيها عن طبيعة عملن وناقشتن بالمجال يلي هنن عم يشتغلو فيه بحكم معرفتي البسيطة ..


    بعد كم يوم اتصلو فيني وقالولي اذا حابب تشتغل معنا تفضل لعنا ‏‎smile‎‏ رمز تعبيري .. تواصلت مع مكتب الاجانب وعطوني حق العمل وحولت اقامتي للبطاقة الزرقاء انبسطت كتير لان عرفت حالي يومها اني تقدمت خطوة وحدة باتجاه الشي يلي كنت مخططلو قبل مااجي على المانيا ..

    تعرضت لفترة اختبار بالشغل Probieren Zeit اكتر من 6 اشهر عدت على خير ..
    بتمنى الكل يكون استفاد من تجربتي هي ويلي عندو اي سؤال انا جاهز ان شاء الله حسب معرفتي.



    3454534.jpg
    960 x 960 - 106K
  • بارك الله فيك ، واتمنى لك السعاده ؛)
    بس سؤال ما هو الراتب الذي تحضل علي من هذه الشركه وكم كان معدلك قبل البدء؟
  • ياخي ما بصير تساله عن الراتب ، بتروح البركه تبعته خلص الله يباركله زوجته مش حيحكيلها الراتب بده يحكيلك الك
  • ههههههههههه كلامك صحيح @Ehab

    @ahmadaz
    للمعلومه فقط .. في المانيا لا يجوز ان تسآل شخص عن راتب ... فيعتبرونها شيء شخصي نوعا ما .. فانهم يختلفون عن العرب من هذه الناحيه
  • اتمنى لكم يوم سعيد