مرحبـا بـك!

مرحباً بكم في منتدى ألمانيا

Login with Facebook

التصنيفات


  • image


    مرحبااااا......
    رح احكي بهالبوست عن تجربتي ب اخد الفيزا
    اول شي رح عرف عن حالي
    انا دارسة هندسة طاقة كهربائية بجامعة دمشق و متخرجة بال 2011
    مقابلتي كانت ب 22/1/2015 ب لبنان


    ==> الاوراق يلي اخدتا معي عالمقابلة :

    1. مصدقة التخرج

    2.كشف علامات

    3.شهادة البكالوريا

    4.اخراج قيد

    5.لا حكم عليه

    6.بيان عائلي

    7.قبول ماستر هندسة نظم طاقة مشروط باللغة من كلاوستال (قبول كلاوستال بيجي قبول اللغة و الجامعة سوا)

    8.قبول سكن

    9.كشف حساب بنك

    10.صورة جواز السفر

    11.استمارة عبيتا و طبعتا من موقع السفارة

    12.لقاح شلل اطفال

    13.رسالة تحفيز

    14.سيرة ذاتية


    طبعا من كل ورقة نسختين ابيض و اسود و نسخة ملونة مترجمة و مصدقة


    الموظفة كانت حبابة و سألتني 4 اسئلة هنن:

    1.شو طالعة تعملي ب ألمانيا ؟ قلتلها طالعة ادرس ماستر هندسة نظم طاقة

    2.مين جبلك القبول ؟ قلتلها رفقاتي ب المانيا ساعدوني

    3.وين رح تسكني ؟ جاوبتا ب انو معي قبول سكن و رح اقعد عند رفقاتي اول فترة

    4.و شو ناوية تساوي بس تخلصي دراسة ؟ جاوبتا بدي ارجع اشتغل بسوريا
    و بعدين عطتني وراق عبيهن فيهن اسئلة عن اختصاصي و مشروعي التخرج و شو شاغلة بعد التخرج و طبعا معلومات عن الماستر يلي رايحة ادرسو و شو الفايدة منو للمجتمع .
    ماكان معي ولا شهادة لغة بس كنت عاملة كورس واحد بالشام من سنة و ما معي شهادتو و الموظفة ما سألتني عن اللغة ابدا.


    ===> الرد اجا ب 16/4/2015 يعني بعد 84 يوم

    و عقبال الجميع تاخدو الفيزا عن قريب .

    432243.jpg
    1500 x 998 - 150K