مرحبـا بـك!

مرحباً بكم في منتدى ألمانيا

Login with Facebook

التصنيفات

في هذه المشاركة

تجربة الصديق muhammad Najjar في الآسئلة التي اجاب عليها في مقابله الفيزا الدراسيه
  • مبارح كانت مقابلتي بالسفارة *ازمير* حابب شاركون كل الاسئلة يلي نسئلتها بعد ما اكد للكل بعض النقاط الهامة :

    1.يوجد موظفة لبنانية بتحكي عربي بتعملك المقابلة .

    2. ترتيب ورائك مهم جدا يعني بتقسم ورائك 3 اقسام النسخ المصدقة بملف و النسخ المصورة كل نسخة بملف و مرتبين بحسب تسلسل النسخ المصدقة تبعك.

    3. تصديق السفارة الالمانية ببيروت مهم وﻻزم و يطلب منك ﻻ حدى يفكر يروح بدونوا (انا شخصيا سئلتني ليش ماني مصور التصديق تبع السفارة على خلف الصور عطتني موعد جديد بعد 4 ساعات وطلبت مني صور التصديق الالماني خلف كل نسخة).

    4. جيب معك 60 يورو الدوﻻر او الليرة التركي ما بيقبلون بيئلولك روح صرف لليورو وتعال وهاد الشي صار مع الشب يلي قبلي.

    5. حاول تعزز كل شي بتحكي بالسيفي و الموتفيشن بورقة او شهادة او يلي هو هاد الشي بيعزز ملفك على ما اعتقد.

    6. يلي بدوا يعمل مقابلتوا بهي السفارة بنصحوا والقصد من النصيحة هون ليس الدعاية و لكن لاجل الفائدة يجي قبل بيوم على ازمير يستطلع مكان السفارة و وين يوجد مكتبة قريبة في حال اعتزت كم صورة لورائك و بنصح باوتيل اسمو ازمير بﻻزا اجار الغرفة بالليلة 90 ليرة مع فطور و بيبعد عن القنصلية 10 دقائق مشي و هاد ارخص اوتيل جنب السفارة .


    ------------------------------------------------ هلئ عن الاسئلة يلي بتنسئل بالمقابلة هنن :

    ليش المانيا اخترتها لتدرس فيها .

    ليش هي الجامعة.

    ليش هاد الاختصاص و شو المواد يلي بتدرس فيه.

    سؤال خاص بحالتي انا ليش بدك تعمل ماستر تاني ليش مو دكتورا.

    شو بدك تعمل بعد التخرج.

    وين بدك تسكن .

    دارس الماني وﻻ مانك دارس و شو اسم استاذك و ﻻنو مستوى درست.

    كم اخ الك و وين مقيمين و شو بيشتغلوا.

    والدك شو بيشتغل .

    مين جبلك القبول.

    عندك اقارب في المانيا و وين ساكنين وشو بيشتغلوا.

    شو اسم الاختصاص يلي بدك تدرسوا وكم سمستر .

    كم سؤال بالالماني على الماشي اذا اتلها بتعرف تحكي .

    متزوج وﻻ عازب.

    وين مقيم حاليا و شلون عادرت سوريا.



    image
    1381733_808471129199034_4119499898073557007_n.jpg
    657 x 657 - 97K
  • اخي كتر خيرك عهل معلومات بس في شي ما فهمتو شو بدك تصدق بالسفارة الالمانيه ببيروت..؟؟ انا بتركيا بدي روح ع بيروت لصدق وراقي وجيبهن ع تركيا؟؟
  • اتوقع انو هاد التصديق مطلوب ... لكن لا اعلم لماذا فائدته ... لكن بحسب ما هوه مكتوب ، الواضح انه يجب ان يكون حصرا من سفارة المانيا في بيروت ..هذا الذي فهمته @ghassan111