مرحبـا بـك!

مرحباً بكم في منتدى ألمانيا

Login with Facebook

التصنيفات

في هذه المشاركة

مذكرات محمد وعبد الله : حلم الدراسة في المانيا ( بداية التفكير 2012)
  • انتهى العام الدراسي الاول في المعهد 2011/2012 بتقدير جيدجدا للدفعة كلها وبدأت افهم يعني ايه معهد فني صحي وايه مميزاته ودخلت التدريب الصيفي بتاع المعهد في معمل مستشفى حكومي.
    كان مكان التدريب بيتحدد على حسب سكن الطالب اومدينته ومكنش فيه غير اتنين في الدفعة من اسكندرية وانا كنت واحد فيهم(عبدالله احمد) .
    بدأ التدريب –كان لمدة شهر- وبدأت صداقتي مع عبدالله تزيد وكان كل كلامنا عن الالعاب الاونلاين .
    بدأت افهم ان فني المعمل عملة نادرة في اسكندرية وانه اول ما يتخرج بياخد تكليف وتعيين في الحكومة دا غير ان المستشفيات والمعامل الخاصة بتاخدهم على طول .
    بدات سنة تانية وكنت كالعادة مش بروح المعهد غير نادرا بس كان حظي اني روحت حضرت مش عارف ليه في سكشن هناك واثناء السيكشن جالنا واحدة شغالة في مستشفى كبير في اسكندرية وقالت انها محتاجة 3 شباب يشتغلوه في بنك الدم في الفترة المسائية فا روحت انا وعبدالله وواحد زميلنا .
    روحنا اشتغلنا بطريقة مهلكة كل يوم لدرجة اننا مكوناش بنلحق ناكل وكان المرتب 350 جنيه بس كنا مبسوطين لاننا كنا قبل ما نخلص تعليمنا اشتغلنا وجيبنا فلوس .
    اكتشفت برضه معلومات بسيطة جدا عن موضوع الدراسة في المانيا بس كنت شايفه حاجة من المستحيل فا حاولت افكر في حاجة اكثر عقلانية وهي اني اشوف ايه نظام الجامعات الخاصة ولقيت ان في حاجة اسمها كلية العلوم الطبية المساعدة موجودة في اسكندرية في جامعة فاروس وكان مصاريفها حوالي 15 الف جنيه فاحسبتها مع نفسي وقلت اني ممكن اخلص واخد التعيين بتاعي واصرف على الكلية عشان اتخرج اخصائي تحاليل ويكون ليه الحق اني افتح معمل .
    بعديها بأيام اكتشفت ان خريج الكلية ديه مش من حقه يفتح معمل وانها ملهاش لزمة ..... فدورت على اقرب حاجة في جامعة فاروس في المجال الطبي وتكون فلوسها مش كتير ولاقيت كلية طب علاج طبيعي ...دراسة 6 سنين وامتياز وحتتخرج دكتور علاج طبيعي قد الدنيا .

    بصيص من الامل ممكن يغير كل حاجة
  • الطموح ثم الطموح .... احلا مافيها التفاؤل والامل والصبر