مرحبـا بـك!

مرحباً بكم في منتدى ألمانيا

Login with Facebook

التصنيفات

في هذه المشاركة

مذكرات محمد وعبد الله : حلم الدراسة في المانيا (عام الصدمة 2011)
  • 2011 عام الصدمة :
    طالب ناجح طول حياته وآخد الثانوية العامة في مدرسة للمتفوقين وكان بيدرس علمي علوم عشان عايز يدخل كلية الطب واهله خلاص اشتاروله الجمجة الي بتتحط على مكتب طالب الطب ....... وفجأة تيجي نتيجة الثانوية العامة بتاعته 90% .
    يوم ما شوفت النتيجة انا بقيت مذهول ومش مصدق ان ديه نتيجتي واكتشفت بعديها بيومين اني طالع الاخير على الفصل (مدرسة متفوقين) و طبعا الاهل مسابونيش تهزيئ وبهدلة و بعض الناس كانت شمتانة فيه طبعا .
    ساعتها الدنيا اسودت في وشي وكنت ساكن في اوضتي مش باكل ولا بشرب وحاطط دماغي تحت المخدة ودماغي بتلف لاني مش متخيل نفسي مش دكتور .
    مر اسبوعين والتنسيق ظهر وطبعا كنت مرحلة تانية يعني كليات القمة راحت خلاص وبدأت اسجل الرغبات واشوف ايه المتاح ليه , لقيت المتاح ليه كليات المجمع الادبي وزراعة وعلوم وطبعا بعض المعاهد الفوق متوسطة .
    سجلت كل كليات العلوم الي موجودة في الجمهورية وكان المتاح 20 كلية وحاطيت معهد فني صحي الرغبة رقم 21 .
    مر اسبوعين تانيين ونتيجة التنسيق طلعت وكانت معهد فني صحي قسم تحاليل طبية !!!!! صدمة تانية في نفس السنة ...... حدخل معهد فوق متوسط واخد جيش سنة ونص بعد كل التعليم الي اتعلمته .... دخلت بقى في الفترة ديه في حالة اكتئاب خصوصا ان كل الي حواليا كانوا شغالين تهزيئ فيه واكتر حاجتين اتقالولي " انت في معهد بول وبراز او معهد صرف صحي" مع ان اقل واحد في الدفعة كان جايب 88% .
    فعلا فعلا كانت ايام صعبة ..... دخلت المعهد لاقيت طلبة في قمة الفساد ..... ناس بتشرب حشيش ودكاترة مكبرة دماغها ومش بتيجي والكتب الدراسية كنت بشتريها متصورة من المكتبة الي جنب المعهد وكان صاحب النسخة الاصلية كاتب في الكتب الفاظ زبالة جوه الورق وكتاب تاني الاقي فيه مكتوب" بحبك يا سوسو" وحاجات كدة .
    قررت اني اكبر دماغي واشغل نفسي بأي حاجة تانية ومكنتش بروح المعهد الا نادرا وقضيتها خروجات مع صحابي والعب العاب اونلاين..... طبعا كل ده والي حواليا شغالين تريقة وتهزييئ فيا

    يا فاشل.......كلمة سمعتها الاف المرات


    image
    20150224_103739 (2).jpg
    1280 x 960 - 413K
  • لااايك ادمن على حضورك الرائع