مرحبـا بـك!

مرحباً بكم في منتدى ألمانيا

Login with Facebook

التصنيفات

في هذه المشاركة

تجربة الصديق ناصر في السفر لآلمانيا من الكويت

  • image












    ( تجربتي في تقديم الأوراق .. تمت الموافقة بعد 42 يوم )


    معلومات شخصية :
    ===========
    المكان : الكويت
    الجنسية : سوري
    العمر : 26 سنة
    المؤهلات : دبلوم هندسة كمبيوتر و بكالوريوس تقنية معلومات



    القبول الجامعي :
    ==========
    ماستر تقنية معلومات في جامعة كلاوستال
    تأخرت كتير لحتى راسلت ، تمت المراسلة بشهر 1 و حصلت عالقبول بمنتصف شهر 2 ، و موعد بدأ دراسة اللغة بشهر 7 ! .. للأسف مافي مواعيد قبل هيك بس الحمدلله هي خيره ..
    نوع الكفالة :
    ========
    كفالة من الأب FINANCIAL SUPPORT BY PARENTS ( طلبو شهادة راتب + كشف حساب 6 شهور + صورة من جواز سفر الأب )
    اللغة :
    ====
    درست كورسين لغة ألمانية بمعهد Bvit بالكويت : A1.1 و A1.2
    * سألتن قبل ما أدرس لغة قالولي اللغة مو شرط بس الأفضل أنك تدرس كم كورس بالكويت
    وحسب التجارب عرفت أنو بالمقابلة بيطلبو من الشخص هون بالكويت انو يحكي شوي بالألماني ، فجهزت فقرة بالشكل التالي لحتى احكيها :
    http://www.mediafire.com/v…/n9xdnm01jili1oq/G_-_Inroduce.pdf
    ولكن لو حكولي اني ضعيف باللغة كانت حجتي بكل بساطة : اني جيت للسفارة مرتين و سألت لازم ادرس لغة هون ولا لأ و قالولي لأ مو شرط و مو لازم . و لأنو في احتمال تنرفض الفيزا لأسباب كتير غير الفيزا و لأني مشغول بهالفترة فما كنت ادرس لغة أكتر من هيك . هي كانت المبررات اللي كنت رح احكيها .
    الحساب البنكي :
    ===========
    فتحت حساب مغلق بكلاوستال بشبارسيه بكلاوستال ، بس ما حطيت فيه مصاري
    * سألتن عن الحساب قالولي لا تفتح حساب نحن منشوف راتب و حساب كفيلك و اذا كان مقنع ما بنطلب تفتح حساب .
    الأوراق اللي قدمتا :
    ============
    1- الأوراق الاعتيادية :
    صورة جواز سفري الـ 3 صفحات و توقيعي بالصفحة التانية + الشهادات و كشوف الدرجات بالانجليزي + صورة من القبول بكلاوستال + صورة من فتح الحساب المغلق + شهادة راتب للوالد ( الكفيل ) وكشف حساب لـ 6 شهور و صورة جواز سفره .
    2- رسالة الدافع :
    تم تقديم الرسالة مكتوبة بخط اليد + مطبوعه ، على أساس هنه يختارو وحده منهم بس أخدو التنين .
    الرسالة اشتغلت عليها كتير ، و مرت بعدة مراحل تنقيح ، بالأخير زهقت منها بس مع هيك ضليت عم عدل و ضيف وشيل لحد آخر يوم ، بدي اكتب الخطوات باختصار ( بالترتيب ) :
    - قرأت الكثير من الرسائل من جوجل و من هالجروب .
    - حطيت الأفكار الريئسية بالعربي ، ثم كتبت افكار جزئية ايضا بالعربي ، ثم كتبت الرسالة بالانجليزي .
    - حطيت الرسالة بموقع www.lang-8.com و صاروا يصححولي ينقحولي ياها ناس : Native speakers .
    - عرضت الرسالة على عدة أصدقاء ( من الواقع ومن الجروب ) و نصحوني بكتير نقاط .
    - رجعت عدلت على الرسالة و حطيتا بموقع lang-8.com و كمان صلحولي ياها .
    - بعتت الرسالة لمدرس لغة انجليزية ( صديق الوالد ) و كمان صححلي ياها .
    - نزلت بوست هون بالجروب وحطيت فيه الرسالة ، و الاخوه والاخواه الله يبارك فيكم ما قصروا و ساعدوني أكتر بكتير مما بتصور و عدلوا حوالي 40% منها ! .
    - ( كل السابق عم بحكيه بالترتيب ) رجعت هون جمعتا لأخت ( صديقه ) ببريطانا ( باكستانية ) و فرجتها لاستاذ الانجليزي تبعها وكمان ضفلي شغلات و صحح بعض الجمل .
    - قبل المقابلة بيومين فرجيتا لصديق بألمانيا من 11 سنة ، و عدلنا القطع تبع سبب اختيار ألمانيا بشكل شبه جذري .
    - طبعت الرسالة ، و كتبتا بخط ايدي ، و وقعت على الصفحتين ، و قدمتا للسفارة . مع أني كنت سبق وكتبتا كاملة بخط ايدي شي 5 مرات ، و أمس لما كتبتا كنت زهقان وقلت بكفي مطبوعة بس بعدين استهدين بالرحمن وكتبتا بايدي .
    هاد اول اصدار من الرسالة وكان بتاريخ : 26-1-2014
    http://www.lang-8.com/…/22313124103100873749646100531590663…
    و هي آخر اصدار وكان بتاريخ : 10-3-2014
    http://www.mediafire.com/view/p22ny4hb4xjappy/ML_-_GE.pdf
    3. السيرة الذاتية :
    طبعا مطلوب بالسي في أن الشخص يوضح شو عمل من لما خلص البكالوريا .
    فقدمت مستندين :
    - اللي عملتو من بعد البكالوريا :
    http://www.mediafire.com/view/ad1dl4mhdq26c/Documents
    اللي بدو يعمل هيك شي ، بيقدر ببساطة يستخدم الـ اكسيل أو الـ وورد ، و اذا كانت عندو خلفية بالفوتوشوب فيدور بجوجل على : typography cv و رح يعرف الطريق .
    - السيرة الذاتية :
    http://www.mediafire.com/…/co2o2co212k…/CV_-_Nasr_M_Adeb.pdf



    المقابلة :
    ======
    المقابلة كانت اليوم 11-3-2014 ، الساعه 10:00 صباحاً
    أمس بعد ما جهزت كل أوراقي و بعد تعب انشغال بلش من شهر 9\2013 ، صليت ركعتين استخارة وكنت مرتاح و راضي بالأوراق اللي جهزتا ، و لما صلت ودعيت دعاء الاستخارة قلت ان شالله الله بيختار اللي فيه خير ، و طالما عملت اللي علي و أخد بالأسباب فالحمدلله على أي شي بصير ..
    اليوم فقت من الـ 6 الصبح ، طلعت من البيت 8 ونص ، وصلت السفارة 9ونص ..

    عطيت الأوراق للموظفة ، شافتن عالسريع ، و بعدين قالتلي اتفضل ارتاح و راحت لعند الموظفة الألمانية الشقرا اللي بتعمل المقابلات وفرجتا الورق ..

    بعد 10 دقايق قالتلي تعا ، اخدت مني الجواز ، ثم عدد 2 صور شخصية ، ثم قالتلي بصّم ، وبعدين صارت ترتب وراقي ، و بعدين رجعتلي الأصول و اخدت النسخ عندها واخدت مني 24 دينار كويتي رسوم ، و بالاخير اخدت رقم موبايلي و لزقتلي ستيكر على الجواز و رجعتلي الجواز و قالتلي خلص هيك ! .. قلتلا يعني امشي ؟ قالت اي الله معك .... سألتا ايمتا راجعكم ؟ شهر شهرين ؟ قالتلي نحن بنتصل عليك ان شالله .. و انتهى الموضوع ‏‎smile‎‏ رمز تعبيري


    الموضوع كلو اخد حوالي نص ساعه ، ما عملوا معي مقابلة .. ألف الحمدلله ...... لانو لو عملوا معي مقابلة كنت رح خبّص ‏‎smile‎‏ رمز تعبيري


    هون بالكويت كذا شب بعرفن عملوا مقابلات ، و كانت سيئة ، و اخدو فيزا ، وفي شب ما عمل مقابلة ، و اخد فيزا كمان .. بقا ان شالله الأمور بالسليم بس مافي شي مضمونه ، الله يكملا على خير ..
    عموما لو اخدت رفض لا سمح ، ما رح يكون عندي مزاج اكتب تجربتي بهالتفصيل ، بقا هي تجربتي وهي المستندات ان شالله اللي رح يقدموا بالفترة القادمة يستفيدوا منهم ..
    و بشكر هالجروب الرائع ، و كل شخص كتب تجربتو و كل شخص ساعدني ،، ما شاء الله جهد جبار اللي عم يصير هون .. الله يقويكم ويعطيكم ألف عافه ..
    اي سؤال أنا حاضر ، و بالتوفيق للجميع .... و ادعولنا ‏‎smile‎‏ رمز تعبيري
    ---


    تحديث 22-4-2014 : تمت الموافقة ومدة االانتظار كانت 42 يوم .
    ---

    23423.jpg
    960 x 960 - 93K
  • لايك @nimar

    هي من المواضيع اللكتير مهم وبتساعد