مرحبـا بـك!

مرحباً بكم في منتدى ألمانيا

Login with Facebook

التصنيفات

في هذه المشاركة

تجربتي بأخذ فيزا من السفارة الألمانية في تركيا
  • تجربتي بأخذ فيزا من السفارة الألمانية في تركيا

    السلام عليكم
    أنا حابة بما اني استفدت من المعلومات يلي بهاد الغروب كتير, اني شارككم تجربتي بالسفارة الألمانية في اسطنبول بعد ما حصلت اليوم السبت (بعد 35 يوم) عالفيزة والحمد لله
    أول شي : قبول الجامعة
    أنا قبولي ماستر هندسة كهرباء - باللغة الانجليزي - قدمت بـ 30-6 وحصلت عالقبول بـ 20-7 يعني خلال 3 أسابيع تقريباً.
    أهم شي :
    1- وراق كاملة. 2- معدل عالي (فوق الـ 80% متل ماكانت طالبة الجامعة).
    3- شهادة لغة بحيث تستوفي طلب الجامعة.
    تاني شي (بعد القبول) : تحجز الموعد للسفارة - وقتها عطوني موعد بآخر شهر 8 بس طلبت تأجيلوا لشهر 9 وبالفعل تم تأجيل الموعد لـ 9-9.
    تالت شي : تجهيز الأوراق
    - حساب البنك بتفتحوا بتلت ساعات ببنك (شباركسي آخن) عن طريق الإيميل وتحويل الفلوس أخد حوالي تلت أيام لحتى وصلوا وخصموا 125 يورو (من السعودية).
    وبعد فتح الحساب طلوب من البنك يبعتولك صورة كشف حساب وبيطلبوا منك عنوان البريد أو رقم الفاكس.
    - الشهادات مصدقة كاملة ومترجمة باللغة الانجليزية.
    - إخراج القيد و شهادة الميلاد واللاحكم عليه غير مطلوبة.
    رابع شي : المقابلة
    - المقابلة غالباً من جديد صارت باللغة العربية (باسطنبول).
    - ضروري تكون منظم ومرتب أوراقك.
    - كلشي بيخطر ببالك ممكن يسألوك عنو لدرجة أنو سألني إذا ما عطيناك الفيزة شو ناوي تعمل (جاوبتوا), قلي ليش (جاوبتوا), قلي وين (جاوبتوا)...
    - ضروري تحضر عنوان سكنك بألمانيا ومع مين بدك تسكن.
    - بالنسبة للغات, كل لغة معك فيها شهادة معتمدة مابيسألك عن مستواك فيها أبداً.
    - لما تبلش المقابلة انسى كل وراقك, قصدي ماتقلوا للموظف انك ذاكر هالشي بالوراق لأنوا بقلك بدي اسمع منك مابدي من الوراق - كون جاهز لتحكي كلشي كاتبوا بالوراق (كلشي كلشي كلشي).
    - أنا كان ملفي حوالي 42 صفحة ومشان هيك كانت مقابلتي كتير طويلة - ضلينا شي 60 دقيقة ويمكن اكتر, ولاحظت اني اضطريت احكي كلشي مرفق بالوراق.
    - محفزاتك للسفر لألمانيا, لازم تذكرها وكل ما كانت اكتر كل ما اقتنع الموظف فيك وكل ما كانت طلبك اقوى.
    - كون واثق من حالك طيلة فترة المقابلة.
    - توقع اسئلة غريبة كتير, وما تجاوب بسرعة, فكر شوي قبل ما تجاوب .
    آخر شي : بعد المقابلة
    - بعد شهر تماماً (الاثنين الماضي) بعتت إيميل لقسم الجوازات عموقع السفارة والله خلال ربع ساعة ردوا علي وقالولي جيب جوازك السفر.
    - عملت اللقاح يوم الأربعاء الصبح (بالعمرانية بالجزء الآسيوي من اسطنبول) وسلمتهم الجواز.
    - يوم الخميس دقولي السفارة تلفون قالولي جبلنا الجواز, قلتلهم سلمتكم ياه مبارح, قالولي تلت أيام بكون عندك وبالفعل صدق الموظف.
    - اليوم السبت الساعة 1 الظهر دقولي البريد وهنن عباب البيت وعطوني الجواز وعليه الفيزة والحمد لله
    وموفقين جميعاً
    image
    10404090_848517615182895_540113701576463816_n.jpg
    540 x 374 - 24K
  • أختي الكريمة
    أريد التواصل معك لأن وضعي مثل وضعك وعندي بعض الاستفسارات
  • الف الف الف مبروك ربي يوفقك بدراستك ويكتب الخير للجميع
  • رامي حط اسفسارك هون ورح تساعدك فيه هون كونو الكل بس يشوف الاستفسارات بيستفيد عدد اكبر
  • سلامات ,,ممكن أعرف من أي بلد عربي حضرتك
  • سلام انا طالب يمني والان السفارة اغلقت في اليمن هل استطيع التقدم في تركيا
  • هلأ انا بدي ادرس طب بشري بألمانيا عملت المقابلة بس تلبكت كتير .. معدلي عالي وووراقي كانت كاملة بس تلبكت و اتوترت كتير .. هاد الشي بئثر شي عالفيزا
  • مم السفاره الآلمانيه سوف تآخذ ذالك في عين الآعتبار @lelo121
  • بما ان الآوراق كامله .. فلا داعي للقلق
  • ياللله انشالله خير .... :'( :'(
  • ميرسي كتير علي مشاركتك المساعده @reem
  • انا مصرى بس مسافر تركيا انشاء اللة عشان السفارة فى القاهرة ما فيها مواعيد حتى شهر 11 هل فى مشكلة فى ذلك ؟
  • اتوقع انو مافي مشكله في ذالك ... لكن في بعض الآحيان الشخص مجبر في التقديم للسفاره من بلد اقامته ( مصر ) في حال كانت الآوضاع في مصر سليمه
  • شكرا على التوضيح اختي الفاضلة ..عندي استفسار؟
    حسب معلوماتك او اي شخص يطلع على استفساري .
    من بعد تقديم الاوراق و الموافقة من قبل الجامعة وصولا الى مرحلة المقابلة مع موظف السفارة وسألني عن نوع اقامتي بتركيا و عرف نوع االاقامة اللي هي حماية دولية من الامم المتحدة un هل ستكون النتيجة الرفض ؟ و الاستفسار الثاني عن كشف الحساب هل يشترط استخراجه من البنوك في المانيا حصرا ؟