مرحبـا بـك!

مرحباً بكم في منتدى ألمانيا

Login with Facebook

التصنيفات

في هذه المشاركة

سؤال عن التامين
  • بدي اسال كم بكون مطلوب ادفع تامين علي سياره مرسيدس C كلاس موديل السنه نفسها 2015 مثلا جديده ، بنزين ،

    كم بكلف ؟
  • اخي ايهاب قوانين المانية لتامين السيارة مايتوقف عل الموديل الجديد او القديم فقط الضريبة تتوقف على الموديل مثلا من مواصفات هاي السيارة ضريبته تقريبا ٦٠ يورو في السنة راح تدفع الضريبة مرة وحدة في السنة
    اما التامين للسيارة تتوقف على عدد السنوات لسياقة السيارة
    يعني مثلا بنتي طلعت رخصة السيارة جديد صارله ٨شهور هي تدفع التامين كتير لان الرخصة جديدة هي تدفع نسبة ١٠٠\١٠٠ غالي بس بعد السياقة السيارة لسنة وبدون حوادث تنزل يعني هي تدفع كل شهر ٢٥٠يورو ورا ٤ شهور راح تنزل ازا ما صار حادث لاسامح الله وازا صار الحادث والغلط من الطرف الاخر مافي مشكلة بالنسبة لبنتي
    وابوها صارله ١٥ سنة وهو. يسوق هو يدفع لكل ٣ شهور ٥٠يورو. شفت قديش نازل
    يعني يتوقف على السياقة السنوات والحوادث الي تصير
    عند المانيين كله حسابات واوراق المفروض يسمونه بلد الحسابات والاوراق ههههههه

  • والله كتير كل شهر 250 يورو ،،


    شكرا كتير اختي ، :)
  • اي والله كتير بس لازم هي تدفع مشان تنزل النسبة تبعها وكمان هي هلة الرخصة تبعها تحت التجربة لمدة سنتين بعد ماتاخذ الرخصة وهلة راح ٨شهور وكمان باقي سنة و٤شهور يعني اذا صار عليها في هاي الفترة مخالفات كتير راح ياخذو منها الرخصة ويطلبو الدراسة السياقة من اول وجديد


  • يعني باختصار الي فهمته :

    انا طلعت رخصه واشتريت سياره بدفع

    1- تامين سياره 60 يورو في السنه ،

    2- تامين علي رخصة القياده تبعتي 250 في الشهر بعد سنتين بتنقص ،

    هيك صح ؟

    وطبعا لو صار فرضا واحد صدمني وكسرلي السياره ، واحد سكران مثلا ودخل فيا صدمني ، او انسرقت السياره بدفعولي تعويض كامل ؟

    شكرا كتير اخت بهار ، وحي الله العراق
  • اخي ايهاب مو بعد سنتين تنقص
    ورا سنة اولى سياقة وبلا حوادث تنزل نسبة وكمان ورا سنة سياقة تنزل نسبة وهيك
    بس اذا عملت حادث والخطا كان منك مو من السيارة الثانية في هاي الحالة راح ترفع التامين تبعك مو تنزل هاي قوانين تامين المانية

    واذا واحد صدمك والغلط منك راح ترفع التامين تبعك بس التامين يصلح السيارة للشخص الاخر
    واذا كان الغلط من الطرف الثاني يبقى نسبة التامين تبعك كما هو بس تصليح سيارتك التامين تبعو هما يصلحون السيارة اي انت راح تقبض المصاري من التامين للطرف الثاتي

    والسرقة السيارة هاي عندما تسجل عند شركة التامين عدهم انواع عديدة للتامينات
    مثلا فول كاسكو هاي معناها تشمل جميع الحوادث انكسار الجام والحريق والسرقة وكل مايحدث للسيارة
    بهاي التامين تقبض كامل التعويض
    اما بلا فول كاسكو فقط للحوادث يصلحون السيارة اما السرقة لا ميدفعون التعويض
    واحسن شركة التامين هي Allianz Versicherung
    نحن صرنا ١٥ سنة مع هاي التامين صحيح شوية غالية بس احسن من باقي الشركات
  • طيب فرضا انا مابدي ادفع تامين علي السياره وما بدي حدا يصلحلي ولو انسرقت مع السلامه الله يعوض علي ،

    هل ممكن ما ادفع تامين علي السياره ، ؟

    يعني شو الاجباري لازم ادفعه؟

    عن جد شكرا كتير بس انا جاي قريبا المانيا وما بعرف ولا اشي ولا بعرف حدا هناك ،
  • اخي ايهاب ممنوع تسوق السيارة بالمانية بدون تامين
    يوجد دائرة اسمها تسولاسونك يجب تسجل هونيك تاخذ اوراق السيارة وتروح تسجل
  • شكرا كتير اختي
  • ممم هاد الشي معقد شوي كونو الضرايب الها علاقه بوضع الشخص الآجتماعي وعدد الآولاد وراتب عمله ،،، يعني الآشياد متفاوته بهاد المجال
  • طيب الحمد الله ، ا خدت فكره عن الموضوع شكرا ساره @Sara1221
  • والله انا نفس حالتك @EhabGhazi انا هسا بالمانيا ومش عارف كيف رح اسوي هاي الشغلات و اكيد رح تكون صعبه شوي اول اشي بس بعديها انشاالله سهله. واذا عرفت كيف الطريقه يا ريت تشرحلي اياها دكتور ايهاب من اول ما اشنري سياره ل اخر اشي.وشكرا
  • اللي اقدر انصحك فيه
    لو بدك اعظم شركة تأمين في الوجود فعليك بشركة
    ADAC
    من تجربة وخدماتهم اقرب الى الاحلام والخيال لو بدك احكيلك
  • انا شو حستفيد من التامين اصلا ؟ هناك كله بيعرف يسوق ، والي بيعرف يسوق نادر جدا لما يعمل حادث ، يعني شو حستفيد من التامين ؟

    @Oraif
  • بتمنالك التوفيق @mohammed
  • شكرا ليال @layal
  • السلام عليكم

    ابي بدو يتشتري سيارة مديل قديم تقريبا 1996 صغيرة 5ركاب بالمانيا (نوعها نيسان) شو تكلف ضرائبها بالسنة و بالشهر
    مع العلم انو عمرو 49 سنة وعندو شهادة سورية دولية قديمة جدا بس سارية المفعول الى الان
    و صارلو حوالي 20 يوم بالمانيا.

    وشكرا سلفا.