مرحبـا بـك!

مرحباً بكم في منتدى ألمانيا

Login with Facebook

التصنيفات

في هذه المشاركة

رحلتي الى المانيا (هامبورغ-ديزلدورف-كولون-برول) بالتفصيل الممل (مع الصور)
  • انا و حنان و فرح (ثبتوا الاسامي لأن في سوالف وايد بالسفره)
    خط سير الرحلة
    الكويت -دبي (ترانزيت ليله واحده) -ديزلدورف - هامبورغ -ديزلدورف - كولون - برول -دبي(ترانزيت ليله واحده) -الكويت
    على فكره هذي اول مره نروح المانيا و حنان اول مره يسافر اوروبا و الصبايا ميح (يعني صفر) بالانجليزي وانا كنت المترجمة
    الفيزا
    اخذ اصدار الفيزا تقريبا شهر و هالشي بس للكويتيين و السعوديين اما باقي الجنسيات تخلص بسرعه (مادري شمعنى!!):114:

    1-دبي
    غادرنا من مطار الكويت في الساعه 6 مساءا على متن طيران الامارت الى دبي بس الصراحه صج تستاهل افضل خطوط جويه :113:
    مع انها تأخرت تقريبا ساعه لكن هالشي غير مستغرب لأنها مقلعه من الكويت و المسافرين كلهم كويتيين فالوضع جدا طبيعي بالنسبه لنا
    المهم وصلنا دبي بحدود الساعه 10 مساءا اهم مافي الموضوع ان اغراضنا رايحه دايركت على المانيا يعني ماكو نطره نسيت
    اقولكم ان طيران الامارات يوفر ليله مجانيه (مع العشاء و الفطور) بأحد الفنادق و كان فندق ميلينيوم القريب من المطار
    طبعا قبلها سويت سيرج بالنت عن الفندق الصراحه شكله وايد حلو و احنا بالباص رايحين الفندق اشوف الحبيب طنش الفندق و
    دخلنا بالظلمه ورا الفندق نفسه ولا فندق ثاني بس يضيق الخلق و اييب الغم اكتشفنا بعدها ان هالمبنى مخصص للترانزيت المهم
    الفندق غرفه زينه بس المقلب كان بوفيه المطعم البوفيه بالضبط عباره عن وجبه واحد فقط يعني ماكو خيارات ثانيه لما شفنا
    الوضع بهالصوره حسينا بالاحباط لأن كنا مستانسين ان الاقامه معاها وجبه عشاء المهم طلعنا من الفندق رحنا سيتي سنتر تمشينا
    شوي و دخلنا فيلم be witched حق نيكول كيدمان تقريبا بعد ثلاث ارباع الفيلم انا كنت بسابع نومه و طلعنا قبل نهايه
    الفيلم قلنا نروح الفندق ننام و نريح ابرك لنا
    هذي صورة للمجمع بعد ما طلعنا من السينما

    http://forum.almaniah.com/index.php?p=/utility/thumbnail/FileUpload/9a/294ef14676b1722fb34b1658baeca3.jpg


    قعدنا الصبح نزلنا للفطور هم البوفيه الله يزيد النعمه تونا قاعدين على
    الطاوله ولا واحد من الجرسونات يقولنا لازم تدفعون فلوس على الاكل سألناه ليش جان يقول مسافرين الترانزيت لهم كلوب ساندويش بس
    و ما يصير ياكلون من البوفيه ولا يدفعون فلوس المهم قلناله ان محد بلغنا بهالشي و عدت على خير
    طلعنا من الفندق بالباص للمطار و بالمطار و احنا ناطرين طيارتنا صورت جم صوره
    http://forum.almaniah.com/index.php?p=/utility/thumbnail/FileUpload/46/acc8a40e772fb18f80c5d709d393a2.jpg

    http://forum.almaniah.com/index.php?p=/utility/thumbnail/FileUpload/04/1fe1b9d6f24032b8f24b51c742c336.jpg

    و طارت طيارتنا الساعه 8:30 صباحا بدون تأخير (طبعا لأن ماكو كويتيين غيرنا مع عائله وحده)
    بس احلى مافي طيران الامارات الالعاب الموجوده بالشاشه مع مشاهده الاقلاع و الهبوط
    2-ديزلدورف (الوصول)
    تقريبا الساعه 1:30 الظهر اول ما نزلنا من الطياره حسينا وقتها ان احنا مسافرين صج خصوصا لما الواحد يشوف هالمنظر
    و هالجو
    http://forum.almaniah.com/index.php?p=/utility/thumbnail/FileUpload/b4/46072f75edb71338810c5839210f80.jpg


    دخلنا قاعه الجوازات (هناك لازم كل واحد يكون ماسك جوازه بروحه ما يصير واحد يعطي الموظف جوازات العايله كلها مع بعض)
    و بلش التحقيق ..شنو سبب الزياره ؟؟ و جم فلوسكم الكاش؟؟ و جم يوم راح تقعدون؟؟ ووين راح تقعدون؟؟:11sted_co خلصنا منه رحنا حق استلام الجناط
    (الحقائب) و لأول مره بحياتي تطلع جنطتي اول ما اوصل خذينا اغراضنا بعدها طرحنا سؤال جوهري (المانيا و وصلناها الحين
    وين نروح؟؟؟)و احنا بنطلع من المطار الى ارض الله الواسعه تواير جنطتي تطلع صوت مزعج فكل شوي اسحبها بطريقه غير على
    و عسى يروح الصوت شافني ضابط الجمارك جان يناديني بروحي انا قلت الله يستر سألني اذا في فلوس او شي ممنوع او سجائر
    بالجنطه قلتله و انا ابتسم (im non smoking) عشان يحس اني واثق بنفسي (طل بويهي البدليات على افا من يشيل) قلت دام لقيت واحد
    ثقه سألته شلون نروح حق محطه القطار قالي اصعد فوق تلقى قطار اسمه (air sky) اذا ماني غلطان هذا قطار معلق يوصل لي محطه
    قطار الرئيسيه مالت المطار (Duesseldorf Flughafen) اول شي قاعدين ندور شلون نشتري تذاكر حق الاير سكاي (يعني ملتزمين بالقوانين)
    طلع الموضوع ببلاش المهم ركبنا لقطار و وصلنا للمحطه الرئيسيه سألنا عن موعد القطار من ديزلدورف الى هامبورغ عطانا خطتين
    الاولى تبدل قطار واحد بDuisburg و توصل هامبورغ الساعه 7 و الثانيه تبدل مليون قطار وتوصل 11 بليل بس ارخص بوايد من
    الاولى قلنا خلك على مينونك ندفع زياده بس نوصل عشان نرتاح لأن الرحله كانت متعبه بشكل مو طبيعي 7 ساعات بالطياره
    هذا غير المسافه الى هامبورغ 4 ساعات بالقطار حجزنا التذاكر و نزلنا للرصيف
    موقع محطه القطارات على الانترنت
    http://forum.almaniah.com/index.php?p=/utility/thumbnail/FileUpload/f6/48d0002b98e6ea8fdd1cf8a77be13a.jpg

    خلال الطريج كانت المناظر الطبيعيه لا توصف لدرجه اني نسيت اصور بس حصلت هالصوره و من اللون الاخضر تنسى شكل التراب
    http://forum.almaniah.com/index.php?p=/utility/thumbnail/FileUpload/75/021a907984055a3a9f5b97f56aac50.jpeg


    3-هامبورغ (3 ليالي)
    وصلنا هامبورغ بحمدالله و رعايته
    http://forum.almaniah.com/index.php?p=/utility/thumbnail/FileUpload/78/0288596ba4a4c344acb28153b2730f.jpg

    و هذا قروب شياب و عجايز يتمشون بالدراجات الهوائيه وكل شوي يوقفونهم عند تمثال و مادري شنو يقول الدليل
    احنا نمشي بس عند كل تمثال نحصلهم مشاءالله صج سريعين
    http://forum.almaniah.com/index.php?p=/utility/thumbnail/FileUpload/12/39e57002ed3406cae25c96442df181.jpg

    و هذا مسجد بنهايه البحيره
    http://forum.almaniah.com/index.php?p=/utility/thumbnail/FileUpload/da/0c741f9f20957a42f5a9ed4bddf668.jpg


    الخضره ترد الروح
    http://forum.almaniah.com/index.php?p=/utility/thumbnail/FileUpload/7c/08a7a7ecdf95cfc62c8b2fe9a1f517.jpg

    عروض اكروباتيه
    http://forum.almaniah.com/index.php?p=/utility/thumbnail/FileUpload/69/c866c8517f999e73d163ee593d30ec.jpg

    وقبل مغادرتنا بيوم اكتشفنا مطعم ايراني قريب من فندقنا ولله و تعشينا ذاك الجيلو كباب الطيب (ذبح اسلامي) مع كوب اللبن و ردينا الفندق
    على فكره هامبورغ منطقه هاديه حلوه حق الراحه والاستجمام وثلاثة ايام كفايه عليها و لاحظنا ان فيها ايرانيين وايد بس الي يميز المنطقة ان مافيها خليجيين
    حق الي يحب يغير جو و يحس انه صج مسافر :surf
    http://forum.almaniah.com/index.php?p=/utility/thumbnail/FileUpload/23/9bc2b2f278dc203713b31efa53abc5.jpg

    هذا الشارع الي فيه فندقنا و جدامنا محطه القطار وقت المغادره
    و واقع الحال يقول (يالله يا قلبي سرينا ضاقت هامبورغ علينا)
    http://forum.almaniah.com/index.php?p=/utility/thumbnail/FileUpload/26/3b7a908382504e964830c694636cc0.jpg

    انشاءالله في الايام القادمه اكمل باقي الرحله لديزلدورف و الافلام الكوميديه الي صارت فينا هناك
    بس لا تنسون الردود
    citycenter.jpg
    500 x 375 - 99K
    a_3_.JPG
    450 x 360 - 79K
    a.JPG
    450 x 360 - 88K
    a_4_.JPG
    450 x 360 - 37K
    Hamburg-Central-Station.jpg
    700 x 467 - 247K
    Yesil-Baskent-Stockholm-Hammerby-Modeli-5.jpeg
    2832 x 2128 - 1M
    header_Hamburg-Alsterufer-imago54033236h.jpg
    656 x 305 - 42K
    a_19_1.JPG
    450 x 360 - 102K
    a_21_.JPG
    450 x 360 - 143K
    a_37_.JPG
    450 x 360 - 139K
    a_29_.JPG
    450 x 360 - 111K
    galadari-hotel.jpg
    550 x 367 - 54K
    4.jpg
    500 x 375 - 55K